Plantun de Prouvènço

Pèr coumpara dos planto d'encò nostre

Brachypodium hybridum & Asparagus acutifolius

Brachypodium hybridum

Poaceae Graminaceae

Nom en français : Brachypode hybride.

Descripcioun :
Aquéu Brachypodium, planto de l'an, es esta sourti, i'a gaire, dóu group B. distachyon qu'es eissaplouïde (X 6) e que se n'en destrìo eisa sus la planto. Èi d'abord mai grand (15 à 50 cm), si fueio soun pu longo (> 3 e fin qu'à 8 cm), toujour cihado mai emé mai de 12 costo que se vèson à la lùpi (fotò). Coumpara emé la bauco-di-dos-espigo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Brachypodium
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 30 à 60 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Brachypodium hybridum Catalán, Joch.Müll., L.A.J.Mur & T.Langdon, 2012

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.